E Tag in de Berge mit wunderschöner Ussicht und einere fröhliche Gruppe an glichgesinnte JO-ler – was für e start ins Wuchenend!
D Tour ufe Rossstock isch für die meiste die ersti vom Johr gsi und für manchi die ersti überhaupt. Obwohl es kei gschenkti Skitour gsi isch, isch d Schwierigkeit agmesse gsi; somit hend alli ihre Spass gfunde.
Bi der Talstation vo der Gondle hets zwar no villi Bergsportbegeisteri gha, mit der Zit het me denn weniger und weniger gseh, bis mir schlussendlich zu fünft e schöne Moment uf der Bergspitze hend chönne teile.
D Ussicht, de kalti Wind im Gesicht, e paar tiefi Atemzüg, e paar High-fives, vieli Lächle im Gesicht, was für e schöne Moment dört obe!
Danke an Mario für d Leitig und an alli für die positivi Energie an dem Tag!
Bilder
